Reeto von Gunten

Ufeme Schloss, wiit wäg vo hie, het vor langer, langer Zit emau e Prinzässin gläbt, wo grad genau im richtige Auter isch gsii fürnes erotischs Märli.

Usem Fänschter vo ihrem Turmzimmer hetsi abe ufe Gmües­ märit chönne gseh, u wesi au die saftige Gürkli, die knorrige Rüebli, die dralle Aubergine u die gnoppte Meischöube aagluegt het, ischere mängisch fürne Momänt lang öppis düre Chopf, wosi aus guet erzo­geni Königstochter natürlech niemaus, unger gar kene Umschtänd je, hät chönne i d’Tat umsetze.

Ja. Liebi Froue.
I weiss.
Di Einti oder Angeri unger öich, het sech sicher schomau gwünscht, e Prinzässin zsii. U das isch ja ou nüt Schlächts.

Aber vo itz aa wärdeter, wedr guet ufpasst heit, immer wüsse, dass ke Prinzässin zsii o sini Vorteile het.

Kopiert, handkoloriert
Berndeutsch
Eigenverlag, Auflage 100 Stück

2003
Merch für Märli am See, vergriffen