züüg zum mim, u angerne ihrem vergnüege
sit 1963
i bi ds schtäfisburg im kanton bärn ufgwachse;
grosszoge vonere liebevoue mueter umene outodidaktische multiinschtrumentalischt
u grafiker aus vater, zäme mit ere schwöschter ume hung.i ha querflöte gschpiut u schtatt mini husufgaabe ds mache, hani schallplatte gsammlet.
irgendwie isch de trotzdäm e lehrer usmer worde. när hani chleider verchouft, biuder gmaut u ds new york e schouschpiuschueu bsuecht. wider deheim hani schueu gäh, bisi en art lokali radiolegände worde bi.
teu säge i sig e guete outor, wasmer natürlech schmiichlet. mini läsige si guet bsuecht; vomene konschtant grösser wärdende, hippe u guet ussehende publikum.
i liebe mini frou u ching, chäs u aues, wo sorgfäutig gmacht isch. i’probiere bescheide ds sii, une guete vater.
i ungerschtütze mi lokau chäser, es paar pure u dr einzig fuessbauklub vor schtadt.
aues woni mache isch wörter, musig & etc.
